Franśiyä Awrupanıñ könçığışına qoral häm ğaskärlär cibärä

Franśiyä NATOdağı xärbi barlığın nığıtu öçen Awrupanıñ könçığış öleşendäge däwlätlärgä tank häm bronetexnika cibäräçäk. İlneñ saqlanu ministrı Sebast’yen Lekornyu senatnıñ tışqı êşlär komissiyäsendä çığış yasap bu xaqta xäbär itte. Ul ilbaşı Êmmanuêl’ Makronnıñ, NATOnıñ könçığış flangındağı wäzğıyät’ häm Ukrainadağı bäreleşlärneñ köçen küz uñında totıp, Rumıniyädä bronetexnika häm Leklerk törendäge tanklar urnaştıru qararı çığaruın citkerde.

Lekornyu, monnan tış, ileneñ Litvağa Rafale xärbi oçqıçların häm Êstoniyägä qorı cir ğaskärläre berleklären cibäräçägen dä äytte.