Paqıstanda su basudan ülüçelär sanı arta

 Paqıstanda 14 nçe iyün’nän birle däwam itkän musson yañğırları arqasında  ülüçelär sanı 1 meñ 697gä citte, 12 meñ 867 keşe yaralandı.

İlneñ milli afätlär belän idarä itü agentlığı mäğ’lümatlarına qarağanda, fäläkättä ğomerlären yuğaltuçılarnıñ 340ın xatın –qızlar häm 631en balalar täşkil itä.

Köçle yawım-töşemnärdä 2 millionnan artıq öy zıyan kürde, 1 million 163 meñnän artıq yort xaywanı hälaq buldı.

Yanğırlardan 33 million 400 meñ keşe zıyan kürde, şulay uq 13 meñ 97 çaqrım yul, 440 küper cimerelde.