Zelenskiy Putinnıñ qararına qarşı qarar çığardı

Ukraina däwlät başlığı Volodimir Zelenskiy ileneñ qayber töbäkläreneñ Rusiyä tarafınnan annekśiyälänüeneñ döres bulmawın iğ’lan itüçe qarar imzaladı. Anda Rusiyä ilbaşı Vladimir Putinnıñ 2014nçe yıldan birle Qırım, Doneśk, Lugansk, Xerson häm Zaporoj’ye cirleklären Rusiyägä quşu qararı kire qağıla. Älege töbäklär Ukrainanıñ yaqınça 15%ın alıp tora.

Zelenskiy kiçä, monnan tış, Rusiyä belän Ukraina arasında 24nçe fevral’dän birle baruçı suğış mäs’äläsendä däwlät başlığı Putin belän söyläşüneñ mömkin bulmawı turındağı qararnı da imzaladı. Bu anıñ Rusiyä liderı belän tınıçlıq söyläşüläre östäle artına utırmayaçağın añlata.

Başqala Mäskäwdä 30nçı sentyabr’dä uzğan tantanada Ukrainanıñ Doneśk, Lugansk, Xerson häm Zaporoj’ye töbäkläreneñ Rusiyägä quşıluı turında kileşülär imzalandı.