Uramğa çığu tıyıldı
Nigeriyanıñ qayber cirleklärendä komendant säğate kertelde
1886010
Nigeriyanıñ Êdo töbägendä artqan qorallı höcümnär säbäple uramğa çığu tıyıldı. Cirlekneñ gubernatorı särqatibe Osarodion Ogi beldergänçä, ike rayonda ber täwlekkä komendant säğate kertelgän.
Nigeriya matbuğatındağı xäbärlärgä qarağanda, töbäktä uzdırılğan operaśiyälärdä 37 qorallı banda äğ’zası êläkterelgän.
İldä soñğı waqıtlarda qorallı keşelärneñ motośikllar belän höcüm itüe säbäple qayber töbäklärdä älege texnikanı qullanu tıyılğan ide.
Regionda yış qına terlekçelek belän mäşğul’ fulanilar belän fermer qabilälär arasında köçle bäreleşlär bula. Malların utlatu öçen ilneñ kön’yağına küçkän fulanilar fermerlarnıñ xaywannarın urlarğa mataşuın häm höcüm itüen söyli.