Ugandadağı êbola kizüe Tanzaniyäne dä qurquğa saldı
İlneñ 5 töbägendä êbolağa qarşı köräş qısalarında çaralar arttırıldı
![Ugandadağı êbola kizüe Tanzaniyäne dä qurquğa saldı](http://cdn.trt.net.tr/images/xlarge/rectangle/5da0/3090/544a/633542d69c9ff.jpg?time=1718887146)
Tanzaniya kürşe il Ugandada küzätelgän häm 23 keşeneñ ülemenä kitergän êbola virusı kizüennän soñ ilendäge 5 töbäk öçen kisätü yasadı.
Tanzaniya sälamätlek saqlaw ministrı Ummi Mvalimu êpidemiya qurqınıçı bulğan 5 töbäkne açıqlawların häm êbolağa qarşı köräşkä äzerlek êşlärenä kereşülären belderde.
Ministr Mvalimu Kagera, Mvanza, Mara, Geyta häm Kigoma töbäklärendä çaralarnıñ arttırıluın, kürşe illärdän yulçılar kilgän başqa şähärlärdäge aêroportlar häm avtobus terminallarınıñ küzätelüen dä äytte.
Ugandada êbola kizüe arqasında ülüçelär sanı 23 kä, anıñ belän çirläwçelär sanı 36 ğa citte.
Êpidemiya qurqınıçın küzdä totıp Keniya häm Ruanda kebek illär dä çiklärendä çaralarnı köçäyttelär.
Bäyläneşle xäbärlär
![Kolumbiyä Ğazzä balaların däwalayaçaq](http://cdn.trt.net.tr/images/medium/rectangle/3f9a/3481/5cd8/6673d4fa0ed36.jpg?time=1718887146)
Kolumbiyä Ğazzä balaların däwalayaçaq
İzrail höcümnärendä yaralanğan 50 ğazzäle bala Kolumbiyädä däwalanaçaq