Ugandada êboladan ülüçelär sanı arta
Alarnıñ sanı 23 kä citkän
Ugandada 19 nçı sentyabr’dän birle êbola kizüe arqasında ülüçelär sanı 23 kä, anıñ belän çirläwçelär sanı 36 ğa citkän.
Bu xaqta ilneñ sälamätlek saqlaw ministrlığı süzçese Êmmanuêl’ Aynebyuna xäbär itä.
İldä 19 nçı sentyabr’dä 24 yäş’lek ber keşedä siräk oçrıy torğan Sudan variantı buluı belderelgän êbola virusı tabılğan ide.
Virusnıñ taralu üzäge Kongo Demokratik Cömhüriyätennän Kampalağa qadär bulğan Mubende töbäge dip iğ’lan itelde.
2000 nçe yıllar başında Ugandada yözlägän keşeneñ ğomeren özgän virustan soñğı tapqır 2012 nçe yılda 17 keşe ülde.
Êbola 2013 nçe yılnıñ dekabrendä Könbatış Afrikada taraldı.
2014-2017 nçe yıllarda Gvineya, Liberiya häm S’yerra-Leoneda bulğan êpidemiyädä 30 meñ keşe virus belän zararlandı häm 11 meñnän artıq keşe yaqtı dön’yadan kitte.
