Hindstanda köçle yawım-töşem
Hindstannıñ Uttar Pradeş vilayätendä täêsirle bulğan köçle yañğırlar arqasında ike yortnıñ cimerelüe näticäsendä 12 keşe ülgän, 3 keşe yaralanğan
Uttar Pradeş vilayäte Baş ministrı Brijesh Pathak provinśiya üzäge Lucknowqa 24 säğättä "köçle yañğır” kategoriyasına kergän 35 millimetr yawın-töşem töşüen belderde.
Pathak Lucknowqa bäyle Hazratganj töbägendä êşçelär qalğan bik iske häm cimerelügä yaraşlı ber yortnıñ küätle yawım-töşem arqasında cimerelüe näticäsendä 9 keşeneñ häläq buluın, 3 keşeneñ isä cäräxätlänüen citkerde.
Baş ministr Pathak Lucknownıñ 40 çaqrım kön’yaq-könbatışındağı Unnao qasabasında da ber öyneñ cimerelüe näticäsendä 3 keşeneñ ğomereneñ özelüen belderde.
Töbäktä êlektrnıñ özelüe häm yözlärçä öyne su basuın äytüçe Pathak Lucknowda mäktäplärneñ bügen yabıq bulaçağın iskärtep uzdı.
Kön’yaq Aziyädä iyün-sentyabr’ aylarında täêsirle bulğan musson yañğırları Hindstan belän bergä här yıl zur külämle tabiğıy afätlärgä häm qazalarğa säbäp bula.
