Paqıstanda yoğışlı awırular tarala
İldä aylar buyı däwam itkän köçle yawım-töşemneñ üze belän alıp kilgän tağın ber probleması päyda buldı
1879060
Paqıstanda iyün’nän birle däwam itüçe köçle yawım-töşemnärdän soñ barlıqqa kilgän su basular, taşqınnar arqasında Sind töbägendä 1 millionnan artıq keşedä yoğışlı awırular açıqlandı.
Bilgele bulğança, ildä ğadättän tış köçle yañğırlar 1400 keşeneñ ğomeren alıp kitte. Şunnan soñ su basular arqasında yoğışlı awırular tarala başladı.
Sind sälamätlek saqlaw departamentı beldergänçä, töbäktä 1 million 79 meñ keşedä infekśiyä raslanğan. Şularnıñ 12 meñ 819ında astma häm törle sulış yulı awıruları, 14 meñnän artığında tire çirläre, 15 meñ 800 tiräse keşedä êç kitü, 2 meñ 310ında malyariya, 104endä denge bizgäge açıqlanğan. Monnan tış, törle xaywannarnıñ teşläwe arqasında çirläwçelär bar.
