Ülem mizgelendä keşe närsä kürä?

Fän ähelläre täwge tapqır ülep baruçı keşeneñ baş miye xäräkätlelegen terkäde. 87 yäş’lek êpilepsiyä xastası yöräk öyänägennän soñ baqıylıqqa küçkän mizgellärdä aña êlektroênśefologramma cihazı berketelgän bula. Ul awırunıñ baş miye êşçänlegen terkäp bara.

Belgeçlär äytkänçä, ülüçe keşeneñ baş miye funkśiyäläre töş kürüçe, ütkänne xäterläwçe yäisä meditaśiyä yasawçı keşeneñ baş miye belän ber ük.

Ğomere özelgän keşeneñ baş miye xäräkätlelegeneñ tağın 15 minut däwam itüe açıqlana. Bu ülem mizgelendä nilär buluı belän bäyle ser pärdäseneñ açıluına yärdäm itäçäk dip uylanıla.

Tikşerenü törkemennän tabib Ajmal Zemmar fikerençä, keşe ülär aldınnan baş miye anıñ tormışındağı ähämiyätle mizgellärne soñğı tapqır iskä töşerä. Ul baş miye aktivlığınıñ ğomerneñ qayçan özelüe häm organ donorlığı waqıtı belän bäyle töşençälärne üzgärtä aluın belderde.