“Belgradnıñ Kosovoğa höcüm itärgä teläwe - yalğan"

Serbiyä ilbaşı Aleksandr Vuçiç Kosovo idaräseneñ ilneñ serblar yäşi torğan tön’yaq töbäklärenä höcüm itärgä planlaştıruın belderde. Ul Belgradta jurnalistlarnıñ sorawlarına cawap birep bolay dide: “Belgradnıñ Kosovoğa höcüm itärgä teläwe - yalğan. Çınlıqta Priştina Kosovonıñ tön’yağına höcüm itärgä teli”.

Vuçiç äytüençä, Priştina Ukrainadağı wäzğıyät’ne Serbiyägä qarşı suğışu öçen qullanırğa teli. Ul Kosovo xökümäte räise Albin Kurtinıñ Belgradnıñ bäreleş çığara aluı turındağı ğayepläwlären “mäğ’näsezlek” dip atıy. “Mona oxşaş yalğannar könnär buyı dön’ya mediasında tarala,”-di Vuçiç.

Serbiyä liderı Kosovo delegaśiyäse belän 18nçe avgustta Bel’giyä başqalası Brüssel’dä uzaçaq oçraşunıñ da uñışlı bulmayacağın alğa sörä.