Tramp prokuraturağa çaqırıldı

AQŞnıñ “Küçemsez milek patşası” bularaq tanılğan êlekkege ilbaşı Donal’d Tramp bügen N’yu-York prokuraturasında ant itep sorawlarğa cawap birergä tiyeş ide. Bu xaqta ul üzeneñ "Truth Social" dip isemlängän sośial’ media platforması aşa citkerde. Anda Tramp “rasaçı N’yu-York prokurorı” belän oçraşaçağın häm “AQŞ tarixındağı iñ zur ubır awı däwam itüe”n yaza.

Êllekege ilbaşınnan mal-mölkäteneñ qıymmäte nisbätennän açılğan tikşerü qısalarında soraw alalar. “Böyek şirkätem häm min här yaqtan höcümgä duçar bulabız. Banan cömhüriyäte bu!” - di ul.

Belderü öçençe könne Trampnıñ Floridadağı Mar-a-Lago utarında FBİ agentları tentü uzdırğannan soñ yasaldı.

N’yu-Yorknıñ general’ prokurorı Letiśiyä Djeyms “Trump Organization” şirkäteneñ kükteräw häm gol’f qırları şikelle mölkätläre qıymmäteneñ distä yıldan artıq finans tabloidlarında yalğış çağıldırıluı alğa sörelüçe tikşerü qısalarında Tramp häm balaların soraw aluğa çaqırdı. Tik êşmäkär häm ğailäse här oçraqta qararğa qarşı çığa häm prokuratura sorağan mäğ’lümatlarnıñ üzlärendä bulmawın äytä.

İke atna êlek N’yu-York ştatınıñ Yuğarı mäxkämäse Trampnıñ mäxkämägä kilep cawap totuı kiräklege turında qararnı rasladı. 

Bügen Donal’d Tramp prokuraturağa kerep 1 säğat’ uzğannan soñ sośial’ mediada berderü yasadı. Anda ul AQŞ Konstituśiyäseneñ 5nçe maddäse nigezendä sorawlarğa cawap birüdän baş tartuın äytä. Älege qanun watandaşlarğa üzlärenä qarşı qullanıla aluçı xällärdä şahitlek itmäw xoquqı tanıy.