AQŞta 4 möselmannı üterüdä şöbhäle êläkterelde

AQŞnıñ N’yu-Mexiko ştatındağı Al’bukerke şähärendä soñğı 9 ayda 4 möselmannıñ yäşeren räweştä üterelüendä şöbhäle keşe êläkterelde. Anıñ 51 yäş’lek ir-at buluı bilgele. İseme - Möxämmät Säyet.

Al’bukerke poliśiyä departamentı anıñ 26nçı iyün’dä Aftab Xösäyen häm 1nçe avgustta Möxämmät Afzal Xösäyenneñ ğomeren özüçe buluın uylıy. Monnan alda şul uq cirlektä Naim Xösäyen häm Möxämmät Zahir Äxmädine üterüçeneñ dä älege keşe bula aluı äytelde.

Poliśiyä Säyetneñ öyen tentegändä çıqqan mıltıqnıñ  waqıyğa urınında tabılğan yädrä gil’zaları belän turı kilüen açıqlıy.  Şöbhäle häm qorbannar ber-bersen tanıy. Üterüneñ säbäbe turında älegä tögäl mäğ’lümat yuq.  

Poliśiyä şefı Garol’d Medina, matbuğatqa belderü yasap, şöbhälene êläkterüdä yärdäm itkän möselman cämäğat’çelegenä räxmäten citkerde. Ul waqıyğa tulısınça açıqlanğançı möselmannar küp yäşi torğan mäxällälärdä iminlek saqçılarının patrul’läre tağın da küzgä çalınır xäldä bulaçağın da äytte.