Maymıl çӓçӓge virusı can ala başladı

Hindıstanda maymıl çӓçӓge virusı arqasında ber keşeneñ ğomere özelde.

Kerala vilayӓteneñ Sӓlamӓtlek saqlaw ministrı Veena Djordj matbuğat oçraşuı oyıştırıp, 22 yӓş’lek yegettӓ 19 iyul’ könne Berlӓşkӓn Ğarӓp Ӓmirleklӓrendӓ bulğanda virusnıñ kürelüen açıqladı.

Djordj bu keşeneñ awıruı xaqında rӓsmi zatlarğa mӓğlümat birmiçӓ 21 iyul’dӓ Kerala vilayӓtenӓ baruın ӓytte.

Ministr beldergӓnçӓ awıru temperatura hӓm limfa töyennӓre şeşüe şiqayӓte belӓn 27 iyul’ könne xastaxanӓgӓ barğan, yegetneñ tӓnendӓ bernӓrsӓ dӓ bulmağan, şunıñ öçen tabiblar da maymıl çӓçӓge virusınnan şöbhӓlӓnmӓgӓn.

Xastanıñ xӓle awırlaşqannan soñ tın alu cihazına totaştırılğan hӓm 30 iyul’dӓ yaqtı dön’yadan kitkӓn.

Kerala ministrı bu keşeneñ üleme belӓn ildӓ ӓlege virustan berençe ülemneñ küzӓtelüen citkerde. Xasta belӓn êlemtӓdӓ bulğan keşelӓr izolyaśiyalӓnde.

Ganada da maymıl çӓçӓge virusınnan ber keşe ülde.

Upper East vilayӓteneñ Sӓlamӓtlek saqlaw mödire citkergӓnçӓ 22 iyul’dӓ test nӓticӓse pozitiv çıqqan ber awıru 26 iyul’ könne yaqtı dön’yadan kitkӓn.