Ukrainağa finans yärdäm kilä

Awrupa Berlege Ukrainağa 1 milliard yevrolık makro finans yӓrdӓm kürsӓtte.

Awrupa Berlege Komissiyase başlığı Ursula fon der Leyen sośial’ sӓxifӓdӓge akkauntında Ukraina iqtisadına yӓrdӓm itü öçen ӓzerlӓngӓn makro finans yӓrdӓm belӓn bӓyle açıqlaw yasadı.

“Ukrainağa 500 million yevrolık östӓmӓ makro finans yӓrdӓm kürsӓttek. Bu ilgӓ irtӓgӓ tağın 500 million yevro cibӓrӓçӓkbez. Bu 1 milliard yevro Ukrainanıñ aşığıç finans ixtıyacları hӓm ilneñ nığıtıluı öçen qullanılaçaq,” – dide ul.  

Awrupa Berlege Komissiyase başlığı iyun’ ayında Ukrainağa yaña yӓrdӓm kürsӓtӓçӓklӓren, bu qısada ilgӓ 2022 yılda 9 milliard yevroğa qadӓr yaña makro finans yӓrdӓm kürsӓtergӓ ӓzerlӓnülӓren açıqlağan ide.

Soñğı tapqır kürsӓtelgӓn yӓrdӓm belӓn Awrupa Berlegeneñ tuplam makro finans yӓrdӓm miqdarı 2,2 milliard yevro buldı.