Şeşäle sularda plastik kisäkçeklär bar
Ütkärelgän tikşerenülärdä kürengänçä, ber litr suda 121 mikrokisäkçek bar
Franśiyädä şeşägä tutırılğan sularnıñ 78%ında mikroplastik kisäkçeklär bar.
“Êkologiyä öçen çaralar kür” dip ataluçı cämğıyät’ tikşerü ütkärep törle markalarnıñ şeşäle sularınıñ gigiyena xaläten analizladı. Näticädä alarnıñ 78%ında mikroplastiklar buluı açıqlandı. Ä iñ kübe balalar öçen çığaruçı markanıqında oçrıy. Anda ber litr suda 121 mikrokisäkçek tabıla.
Tikşerenüdä äytelgänçä, ildä här yıl ber bala yaqınça 131 litr su êçä. Ägär älege şeşäle sunı qullansa, ber yılda här bala urtaça 16 meñ mikroplastik yota.
Tikşerüne uzdırğan ğalimnär näticälärneñ borçu tudıruçı buluın, çönki analizlarnıñ hiç qullanılmağan häm cılılıqqa duçar itelmägän şeşälär belän uzdırıluın, monıñ isä mikroplastiklarnıñ kilep çığu däräcäsen töşerüen söyli. Alar äytüençä, çınbarlıqtağı qullanu şartlarında tağın da kübräk mikroplastik kürenäçäk.
Cämğıyät’ şeşägä tutırılğan sularnı kontrol’dän ütkärergä häm 2027nçe yıldan başlap plastik şeşälärne tıyarğa çaqıra.
