Ganada Marburg êpidemiyäse iğ’lan itelgän
İldä 2 keşe virustan ülgän
Bötendön’ya sälamätlek saqlaw oyışması Ganada Marburg virusı arqasında 2 keşe ülgännän soñ ildä Marburg êpidemiyäse iğ’lan itte.
Könbatış Afrika ile Ganada berençe tapqır Marburg virusı oçrağı açıqlandı.
Bu ay başında ilneñ kön’yaq Aşanti töbägendä 2 keşe virustan ülgän.
Gana sälamätlek saqlaw xezmäte beldergänçä, ülgän keşelärdän alınğan qan ürnäkläre Senegaldağı Pastur institutına cibärelgän häm diagnoz raslanğan.
Gana sälamätlek saqlaw wäqalätleläre virus belän zararlanğan xaywannardan taraluçı Marburgtan saqlanu öçen yarqanatlar yäşägän mäğarälärdän yıraq torırğa häm barlıq it produktların qullanır aldınnan yaxşılap peşerergä kiñäş itkän.
Êbolanıñ yaqın töre bulğan Marburg virusı berençe tapqır 1967 nçe yılda Germaniyäneñ Marburg şähärendäge laboratiriyädä açıqlana.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
