Niderland Ukraina ğaskärlären öyrätäçäk
Niderland armiyäseneñ avgust ayınnan başlap Ukraina ğaskärlärenä Angliyädä öyrätülär uzdıraçağı belderelde
1855737
Niderland saqlanu ministrlığı barlığı 10 meñ ğaskärigä 4 atnalıq äzerlek kursı ütkäräçäklären citkerde.
Angliyä bu atnada töp xärbi belem, töz atu häm berençe yärdäm kürsätü öyrätülären başladı. Niderland armiyäse bu çaralarğa avgust ayında quşıla. Öyrätülär törkemnärgä bülep alıp barıla. Anıñ 3-4 ayda tögällänüe küzallana. Öyrätülärdä Niderland flotınıñ da yärdäm itäçäge belderelde.
Niderland saqlanu ministrı Kaysa Ollongren Ukrainanıñ Vinniśa şähärendä 22 grajdanlınıñ üterelü waqıyğasın xäterlätep bolay dide: “24nçe fevral’dän birle däwam itüçe Ukraina-Rusiyä suğışı altınçı ayına kerä häm, äkrenäysä dä, ruslarnıñ Donbassta alğa barışı däwam itä. Ruslarnıñ höcümnären tuqtatu öçen Könbatış däwlätläreneñ Ukrainağa yärdäme bik ähämiyätle”.
