Germaniyada fäqıyr'lek arta

Germaniyada azıq-tölek yärdäme xezmätennän faydalanuçılar sanınıñ ğıynwar ayınnan bügengä qadär 50%lık artış belän 2 millionnan artuı belderelde.

Germaniyada üzixtıyari yärdäm kürsätüçe Tafel Aşyortı cämğıyäte tarafınnan yasalğan açıqlawğa kürä koronavirus kizüe, inflyaŝiya, Rusiyä Ukrainağa başlatqan suğış arqasında azıq-tölek yärdämen aluçılar sanı yaña yıldan birle 50%ka arttı.

Azıq-tölek yärdäme xezmätennän faydalanuçılar arasında küpçelek êşsezlär, tübän keremle layıqlı yalda buluçılar belän Ukrainadan kilgän qaçaqlar bar.

Germaniyada 962 bülege bulğan Tafel Aş yortı cämğıyäte başlığı Yoxen Bryul’ bolay dip citkerde: “Sannarnıñ 50%ka artuı fäqıyr’lekneñ artuına dälil. Bu -  2 millionnan artıq keşeneñ azıq-tölek yärdämenä ixtıyacı bar digän süz.”

“Zapaslar betä, xätta küp kenä aş yortı yabıldı. Däwlät bu keşelärneñ ixtıyacların qanäğat’länderergä tiyeş,” – dide ul.

Fäqıyr’lek xisabına kürä ildä yarlılıq küläme uzğan yılnı 16,6% buldı.

Tafel’ cämğıyäte citäkçese Sirkka Yendis isä Germaniyada här 6 keşedän berseneñ fäqıyr’ buluın, cämğıyät’ bularaq monı qabul itmäw zarurlığın belderde.