Ğazzä xalqı Baydenğa reakŝiya belderde

İzrail blokadası astındağı Ğazzädä fälästinlelär Amerika Quşma Ştatları däwlät başlığı Djo Baydennıñ İzrailğa yasağan säfärenä häm kürsätkäñ xuplawğa reakŝiya belderde.

Milli häm İslami köçlärne küzätü komitetı tarafınnan Ğazzädäge Bilgesez ğaskär häykäle parkında oyıştırılğan çarada şiğar’lär häm beldergelär belän Baydennıñ İzrailne xuplawı protest itelde.

Çarada fälästinlelär mondıy şiğar’lär äytte: “Fälästin diñgezdän alıp yılğağa qadär bezneke”, “Sionist yawlawnı Amerika xuplamasın”.

Xamasnıñ İslami häm Ğaräp mönäsäbätläre ofisınnan cawaplı Xälil Xayye biredä çığış yasap, AQŞ citäkçelekläreneñ İzrail rejimın xuplap, başqarılğan cinayät’tä urın aluın belderde.

“AQŞ prezidentı bu säfäre waqıtında sionist rejimnıñ iminlek häm mullığına çiksez xuplaw kürsätkän çaqta fälästinlelärgä ber törkem buş wägdä birde,” – dide ul.

AQŞ citäkçelegennän İzrail-Fälästin mäs’äläsenä qarağan säyäsätlärne tözätüen sorağan Xayye Vaşington citäkçelegen demokratiyağa, keşe xaqlarına häm xalıqara xoquqqa bäyle qalırğa, xalıqlarnıñ problemalarına qarağan ikelätä standart säyäsätennän waz kiçärgä çaqırdı.