Bayden: "Ğayetegez möbärak, xacığız qabul bulsın"
AQŞ liderı ilendäge häm barlıq dön’yadağı möselmannarnı Qorban ğayete belän qotladı
AQŞ ilbaşı Djo Bayden ilendäge häm barlıq dön’yadağı möselmannarnı Qorban bäyräme belän täbrik itte. Ul qotlawnamädä ğayet tradiśiyäläreneñ häm Xac rituallarınıñ möselmannarnıñ ışanuların yañartu öçen forsat buluın häm monoteistik dinnärneñ ber nigezdän çığuın xäterlätüçe ikänen äytte.
“Allahqa xezmät itü yulında qorbannı tağın da az keremlelär belän urtaqlaşu ğamäle - bügen dön’yabızdağı awırlıqlarnı bergäläşep ciñü çarasın çağıldıra,”-dip yazdı Bayden.
AQŞ liderı Kovid-19 çaraları däwam itügä qaramastan, möselmannarnıñ kizüdän soñğı çorda täwge tapqır xac ğıybadätlären cirenä citkerüen assızıqlap bolay di: “Bu forsattan faydalanıp tınıçlıq öçen tırışu, moxtaclarğa yärdäm itü, tağın da kübräk tigezlek häm mömkinlek êzläw yulında tizlänü wäğ’däbezne yañartabız”.
Bayden AQŞta möselman amerikalılarnıñ moxtaclarğa yärdämdä aldınğı rol’ uynawın belderde. “Min häm xatınım Djill barlıq möselmannarğa şatlıqlı bäyräm telibez. Ğayetegez möbärak, xacığız qabul bulsın,”-dip yazdı ul.
Bäyläneşle xäbärlär
Putin Ciñü könendä çığış yasadı
Bügen Rusiyädä İkençe Bötendön’ya suğışınıñ tögällänüen bilgeläp uzalar
