Kovid-19 qabat baş kütärä

Bötendön’ya sälamätlek saqlaw oyışması soñğı ike atnada koronavirus yoqtıru oçraqlarınıñ 30%qa artuın belderde. Oyışmanıñ ğomum särqatibe Tedros Adxanom Gebreyesus Jenevadağı üzäktä matbuğat cıyılışında älege wäzğıyät’ turında söyläde. Ul Bötebndön’ya sälamätlek saqlaw oyışmasınıñ 6 töbägeneñ 4sendä awıru oçraqlarınıñ artuı küzätelüen citkerde. “Soñğı ike atnada global’ mäydanda Kovid-19 oçraqları, monnan aldağı atnalar belän çağıştırğanda, yaqınça 30%qa arttı,”-dide belgeç.

Gebreyesus älege küreneşneñ säbäplärenä qarşı global’ külämdä häm illär êçendä adım yasalırğa tiyeşlegen assızıqladı. “Xökümätlär, fän ähelläre, vakśina çığaruçılar, Bötendön’ya sälamätlek saqlaw oyışması häm watandaşlar üz wazıyfaların başqarırğa tiyeş,”-dide ul.