AQŞ: “İke il arasındağı konstruktiv mönäsäbätlärneñ däwam itüen telibez”
Amerika Quşma Ştatları İlbaşı Djo Bayden İlbaşı Räcäp Tayyip Ärdoğan belän söyläşüe waqıtında ike il arasındağı konstruktiv mönäsäbätlärneñ däwam itüen teläwen belderde
Aq Yorttan yasalğan yazmaça belderüdä çärşämbe könne İlbaşı Ärdoğan belän Baydennıñ Madridtağı NATO sammitı qısalarında ike yaqlı oçraşu ütkärüläre turında äytelde.
Belderüdä: "İlbaşı Bayden Törkiyäneñ, Finlyandiya häm Şveśiya belän öç yaqlı memorandumğa qul quyıp, bu illärneñ NATOğa kerü çaqıruınıñ yulın açuın qanäğätlelek belän qarşıladı", - dip bilgeläp uzıldı.
İlbaşı Ärdoğan belän Baydennıñ Ukrainağa yärdäm mäs’äläsen dä quzğatuları citkerelgän belderüdä Ukraina aşlığı êksportı aldındağı Rusiyä kirtäseneñ beterelüeneñ möhimlegenä dä tuqtalıp uzuları belderelde.
Belderüdä: "Liderlar Ägäydä häm Süriyädä totrıqlılıqnıñ saqlanuı mäs’äläsen dä tikşerde. Bayden konstruktiv ike yaqlı mönäsäbätlärneñ saqlanuı telägen tağın ber qat citkerde häm ike lider xökümätläre arasında yaqın êlemtäneñ däwam itelüenä basım yasadı”, - dip äytelde.
Bäyläneşle xäbärlär
Här 7 yäş’ keşeneñ berse psixik yaqtan sälamät tügel
Bu xaqta ötendön’ya sälamätlek saqlaw oyışması ğomum särqatibe Tedros Adanom Gebreyesus belderde
