Putin: “Äfğanstanda wazğıyätne cayğa salırğa tırışabız”

Rusiyä häm Ukraina arasındağı suğışnıñ 24nçe fevral’dä başlanuınnan soñ berençe çit il säfären Tacikstanğa yasawçı Putin başqala Duşanbedä İlbaşı İmamali Raxman belän oçraştı.

Oçraşunıñ matbuğatqa açıq öleşendä açıqlawlar yasawçı Putin Rusiyä häm Tacikstan arasındağı mönäsäbätlärneñ üseş aluın häm ike yaqlı säwdäneñ üseşendä yılnıñ berençe 3-4 ayında "rekord" yäşänüen äytte.

İminlek belän bäyle mäs’älälärgä ähämiyät birülären citkerüçe Putin, Äfğanstan mäs’äläsen quzğatıp: "Bu ildä wazğıyätneñ cayğa salınuı öçen qulıbızdan kilgänne yasıybız. Wazğıyätne kontrol’ astında totqan köçlär belän mönäsäbät urnaştırırğa tırışabız. Böten êtnik törkemnärneñ Äfğanstan citäkçelegendä wäkillek itelüeneñ zarurlığına nigezlänep êşlibez. Bu yünäleştä êşçänlegebezne däwam itäçäkbez”, - dip äytte.

Äfğanstanda böten säyäsi köçlär belän êlemtädä buluların belderüçe Putin şuşı ildän wäkillekneñ iyün’ başında oyıştırılğan 25nçe Sankt Peterburg xalıqara iq’tisad forumında qatnaşuın xäterlätte.

Tacikstan İlbaşı Raxman da, Rusiyäneñ ileneñ aldınğı säwdä häm iq’tisad urtağı buluın däwam itüen belderep: "Yılnıñ berençe biş ayında ike yaqlı säwdä 50%qa diyärlek arttı. Töbäklär arasında xezmättäşlek üsä. Rusiyäneñ 80%tan kübräk töbägeneñ Tacikstan belän säwdä häm başqa bağlanışları bar”, - dide.

İke il arasında iminlek ölkäsendä tığız xezmättäşlekneñ däwam itüen belderüçe Raxman Putin belän Äfğanstandağı wazğıyätne tikşerergä äzer buluın äytte.