Maymıl çäçäge xatın-qızlar arasında da tarala

Bötendön’ya sälamätlek saqlaw oyışması uzğan aydan birle däwam itüçe maymıl çäçäge virusı kizüe nisbätennän global’ ğadättän tış xäl iğ’lan itüneñ zarurlığı turında söyläşü öçen täwge cıyılışın uzdırdı. Şunnan soñ oyışmanıñ ğomum mödire Tedros Adxanom Gebreyesus matbuğat ähelläre qarşına çıqtı. Ul xäzergä qadär virusnıñ 48 däwlättä 3 meñ 200dän artıq oçrağı terkälüen, yıl başınnan birle Üzäk Afrikada älege çir arqasında 70läp keşeneñ ülüen citkerde.

Gebreyesus Nigeriyada maymıl çäçäge yoqtıruçılarnıñ kübeseneñ xatın-qız buluın assızıqlap, anıñ barı ir-atlar arasında taralmawına iğ’tibarnı cälep itte.  Ul virusnıñ êndemik bulmağan qayber illärdä berençe tapqır kürenüen xäterlätte. Belgeç bu xastalıqnıñ niçek taraluın açıqlawnıñ kritik ähämiyätkä iyä buluın da äytte.

Bötendön’ya sälamätlek saqlaw komitetı maymıl çäçägeneñ yanaw däräcäse turında fiker alışu öçen kiläse könnärdä qabat cıyılaçaq.