5 yäş'tän keçkenälärgä - koronavirus vakśinası

Amerika Quşma Ştatlarında 5 yäş’tän keçkenä balalarğa koronavirus vakśinası yasaw turında süz bara.

AQŞ awırularnı kontrol’dä totu häm profilaktika üzägenä bäyle ğalimnärdän toruçı kiñäşçe törkem Moderna häm Pfayzer-Biontexnıñ 5 yäş’tän keçkenä balalar öçen çığarğan Kovid-19 vakśinasın bäyäläde. Cıyılıştan soñ yasalğan belderüdä bertawıştan 6 aylıq sabıylarğa qadär älege preparatnıñ birelä aluı äytelde. Monı kiñäş bularaq belderdelär.

AQŞ farmaśevtika häm azıq-tölek idaräse dä comğa könne Moderna häm Pfayzer-Biontexnıñ 5 yäş’tän keçkenä balalar öçen çığarğan Kovid-19 vakśinasına röxsät birüen xäbär itte.

İldä koronavirus vakśinası qadalmağan soñğı törkem - 5 yäş’tän keçkenä yaqınça 17 million bala bar.