Afrikada yaman şeş belӓn awıruçılar hӓm annan ülüçelӓr sanı arta
Bu xaqta AQŞta ütkärelgän tikşerenüdä citkerelä
Afrika qıytğasında yaman şeş belӓn awıruçılar hӓm annan ülüçelӓr sanı 20 yıl êçendӓ ikelӓtӓ artırğa mömkin.
Bu xaqta Amerika Quşma Ştatlarındağı Penn universitetınıň mediśina fakul’tetı ğalimnӓre ütkӓrgӓn Afrikada yaman şeş awıruı turındağı tikşerenüdӓ citkerelӓ.
Tikşerenüdӓ yaman şeş belӓn awıru hӓm ülem oçraqlarınıň artuına qıytğanıň küp poçmaqlarında sӓlamӓtlek saqlaw üzӓklӓrenӓ ireşüneň çiklӓngӓn buluı hӓm asqormanıň citӓrlek dӓrӓcӓdӓ bulmawınıň yoğıntı yasawı ӓytelӓ.
Tikşerenü barışında Afrikada 2020 nçe yılda 1 million 100 meň yaňa yaman şeş oçrağı hӓm 711 meň 429 aňa bӓyle ülem açıqlanğan.
Ğalimnӓr bilgelӓp ütkӓnçӓ, 2040 nçı yılda yaman şeş awıruları 2 million 100 meňgӓ, aňa bӓyle ülemnӓr 1 million 400 meňgӓ qadӓr artırğa mömkin.
Tikşerenüdӓ rakka qarşı kirӓkle çaralar kürüneň möhimlegenӓ basım yasala, xatın-qızlarnıň bu awıru belӓn ir-atlarğa qarağanda kübrӓk çirlӓwe ӓytelӓ.
Yaman şeş awıruları iň küp bulğan illӓrneň Misır, Nigeriya hӓm Kön’yaq Afrika ikӓnlege belderelӓ.
Bäyläneşle xäbärlär
Pal'ma mayı satıp aluçığa - orangutan büläk
Malayziya orangutannarnı diplomatiya qoralı itep qullanırğa cıyına
