BMO Ukraina aşlığı mäs’äläsendä Törkiyä belän êlemtädä
Berläşkän Millätlär Oyışması ğomum särkätip süzçese Stefan Dyujarrik Ukraina aşlığınıñ Qara diñgez aşa cibärelüe mäs’äläsendä Törkiyä belän bik yaqın êlemtädä buluların äytte
Stefan Dyujarrik könlek matbuğat brifingında Tışqı êşlär ministrı Mäwlüt Çavuşoğlunıñ: “Ukraina aşlığınıñ Qara diñgezdän minalar çistartılğannan soñ çığarıla alınaçağı” turındağı belderüe öçen "bik uñay” dip bäyäläw yasawdı.
Dyujarrik:
"Bez törek räsmiläre belän bu mäs’älädä bik yaqın êlemtädä torabız häm tığız xezmättäşlek itäbez. BMO Ğomum särkätibe Antonio Guterreş İlbaşı Ärdoğannıñ, Çavuşoğlunıñ häm törek ğaskäreneñ yaqın xezmättäşlegenä bik räxmätle. Bu problemanı xäl itü öçen bik konstruktiv räweştä êşlibez. Xäzerge waqıtta neçkälekläre belän urtaqlaşa almıym, ämma tışqı êşlär ministrınıñ açıqlawları bik pozitiv. Tışqı êşlär ministrı BMO planı turında äytte. Törle variantlar bar häm törek armiyasınıñ role bik möhim. Bez böten taraflar belän êlemtädä torabız häm törek räsmiläre êlemtälärne urnaştıruda da bik yärdäm itte”, - dip belderde.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
