AQŞta su basu häm êsse hawa dulqını
AQŞta köçle yawım-töşem häm êsse hawa tormışqa tiskäre täêsir itä
Viskonsinnıñ Miluoki şähärendä köçle yawım-töşem kiterep çığarğan su basu 3 keşeneñ ğomeren özde.
Poliŝiya ber ğailädän buluı uylanılğan 3 keşene êzläw êşçänlekläreneñ däwam itüen citkerde.
Köçle yawım-töşem arqasında İllinoys, İndiana, Miçigan häm Ogayo ştatlarında da su basu küzätelde, şaqtıy yul yabıldı.
"PowerOutage.us" säxifäsenä kürä dawıl arqasında ağaç häm bağanalar cimerelgän, ilneñ urta tön’yaq ştatlarında yaqınça 500 meñ öy utsız qaldı.
Yellowstone Milli parkın da su basqan. Parkka iltüçe yullar kinät kenä êregän qar arqasında qullanılmas xälgä kilde.
Räsmi zatlar xäzergä qadär ülüçe yäisä yaralanuçınıñ bulmawın, yullarnı açu êşeneñ däwam itüen açıqladı.
AQŞnıñ Meksika qultığınnan Çikagoğa qadärge urta töbäklärdä isä êsselär küzätelä.
Räsmi zatlar beldergänçä hawa däräcäse +45kä kütäreläçäk.
Keşelärgä mäcbür bulmağan oçraqta uramğa çıqmasqa kiñäş itelä.
