Qurqınıç töşlär kürü - Parkinson signalı
Qurqınıç töşlär kürü xastalıqnıñ xäbärçese bulırğa mömkin
Naçar töşlär kürü qayber ölkännärdä Parkinson awıruınıñ başlanuı signalı bulırğa mömkin. Angliyäneñ Birmingem universitetı tikşerenüçeläre uzdırğan êşçänlek şundıy näticä birä. Annan kürengänçä, qurqınıç töş kürü belän Parkinson çire arasında bäyläneş bar.
Tikşerenü qısalarında AQŞtağı 3800dän artıq qart irneñ 12 yıllıq mäğ’lümatları centekläp analizlana. Qatnaşuçılarğa yoqıları belän bäyle sorawlar da birelä.
Bik yış naçar töşlär kürülären äytüçelärdä Parkinson başlanu mömkinlege, töşlärennän zarlanmawçılar belän çağıştırğanda, 2 tapqır artıq bula.
Tikşerenüçelär beldergänçä, ölkännärdä qaltıraw, äkren xäräkät itü şikelle ğadäti parkinson bilgeläre başlanğançı berniçä yıl aldan qurqınıç töşlär kürü xastalıqnıñ xäbärçese bulırğa mömkin.
