Qabilälär arasında suğış
Sudanda törle êtnik qabilälär arasındağı bäreleşlärdä şaqtıy keşeneñ ğomere özelde
1839839
![Qabilälär arasında suğış](http://cdn.trt.net.tr/images/xlarge/rectangle/9c2a/2127/1b47/5f55dab999536.jpg?time=1718801854)
Sudannıñ Könbatış Darfur häm Kön’yaq Kurdufan töbäklärendäge qabilälär bäreleşendä 27 keşeneñ ğomere özelde.
Cirle çığanaqlardan alınğan mäğ’lümatlarğa qarağanda, Çad belän ike aradağı çiktä urnaşqan Könbatış Darfurnıñ Kulbus şähärendä ğaräp rizeygat häm afrikalı gimir qabiläläre arasında cir öçen ğawğa çığa. Şunnan soñ başlanğan qorallı bäreleşlärdä ike yaqtan da 16 keşeneñ ğomere özelä. Waqıyğanıñ şahitläre gimir qabiläsenä qarawçı 3 awılğa ut törtelüen söyli.
Kön’yaq Kurdufan töbägendä isä, cirle matbuğatta yazılğança, äl-xavazma häm kenane qabilälärenä kerüçe ike keşe arasında bäxäs quba. Ul zurayıp massaküläm qorallı bäreleşkä äwerelä häm näticädä ike qabilädän 11 keşeneñ ğomere özelä.