AQŞta maymıl çäçäge virusına qarşı säyäxät kisätüe yasaldı
Yulğa çığuçı watandaşlar öçen östämä çaralar kürü kiñäş itelä
AQŞnıñ awırularnı kontrol’dä totu häm profilaktika üzäge maymıl çäçäge virusı kizüenä qarşı säyäxät kisätüen 2nçe däräcägä citkerde.
Oyışmadan belderülärençä, yulğa çığuçı watandaşlar öçen östämä çaralar kürü kiñäş itelä. “Tulayım xalıq öçen xäzergä yanaw tübän, tik tiredä timgellär şikelle problemalar çıqqan oçraqta, temperatura häm qaltıranu bulsa da, bulmasa da, kiçekmästän mediśina yärdäme alırğa kiräk” diyelä belderüdä.
AQŞ awırularnı kontrol’dä totu häm profilaktika üzägeneñ kizü çirlärenä qarşı 3 törle säyäxät kisätüe däräcäse bar. Berençese ğadäti çaralar kürüne küzdä tota, ikençese - östämä çaralar, öçençesendä mäcbüri bulmağan säyäxätlärdän tayçınırğa quşıla.
Bäyläneşle xäbärlär
AQŞ Pol'şa belän Niderlandqa raketa cibärä
Awrupa illäre saqlanu mömkinleklären arttıru maqsatınnan AQŞtan qorallar satıp aldı