Rusiyädän AQŞqa çikläw qararı

Rusiyäneñ tışqı êşlär ministrlığı AQŞnıñ Qazna ministrı Djênet Yellen häm Ênergetika ministrı Djennifer Grênxol’m da aralarında bulğan 61 Amerika watandaşına qarata çikläw qararı qabul itte.

Tışqı êşlär ministrlığınnan yasalğan açıqlawğa kürä AQŞnıñ rus säyäsätçe, êşmäkär häm cämäğat’ êşleklelärenä qarata däwamlı kiñäytkän çikläwlärenä cawap bularaq 61 AQŞ watandaşınıñ Rusiyägä kerüe tıyıldı.

Älege sankŝiyalärneñ aldınğı xärbi sänägät’ citäkçeläre, media platformaları häm reyting agentlıkları citäkçeläre, oçqıç häm köymä şirkätläre citäkçelärenä qağıluına iğtibar cälep itelgän açıqlawda ayıruça rus kiber höcüm däğwaların cäygän AQŞ Däwlät departamentı räsmi zatlarınıñ da isemlektä urın aluı citkerelde.

Çikläw isemlegendä Êlemtä mödire Keyt Bedingfild kebek Aq Yorttan da qayber räsmi zatlarnıñ iseme bar.