Aşlıq qıtlığı öçen Rusiyäne ğayeplädelär

Awrupa Berlege tışqı mönäsäbätlär häm iminlek säyäsäte yuğarı wäkile Djozef Borrel’ xalıqara säwdädä aşlıq qıtlığı öçen cawaplı bularaq Rusiyäne kürsätte. Ul sośial’ mediada älege mäs’älä belän bäyle belderü yasadı. Borrel’ Awrupa Berlegeneñ Rusiyägä qarata sankśiyäläreneñ älege däwlätneñ suğış mömkinleklären köçsezländerü maqsatında buluın, awıl xucalığı tovarların üz êçenä almawın assızıqladı.

“Rusiyäneñ Ukraina portların qamap toruı kukuruz häm boday şikelle tonnalarça aşlıqnıñ dön’yadağı töp citeşterüçe Ukrainada qaluına kiterä, êksportnı kirtäli. Rusiyä xalıqara aşlıq êksportı öçen turıdan-turı cawaplı,”-dide Borrel’.   

Wäqalätle zat Rusiyäne, 24nçe fevral’dä başlanğan höcümnärne tuqtatu urınına, cawaplılıqnı sankśiyälärgä sıltawda ğayepläde, Kreml’neñ şulay itep yalğış mäğ’lümat cäyelderüen äytte.