Lukaşenko ülem cäzası kertä

Belarus’ ilbaşı Aleksandr Lukaşenko terrorçılıq omtılışı yasawçılarğa qarata ülem cäzasın küzallawçı qanun tözätmäsen xuplap imza quydı. Bu xaqta ilneñ milli qanun internet portalı xäbär itä.

Kertelgän üzgäreşlärgä qarağanda, xalıqara çualışlar yäisä suğış çığaru niyäte belän çit däwlät yäisä xalıqara oyışmanıñ wäkilen üterergä äzerlänüçelär ülem cäzasına xökem itelergä mömkin.

Şulay uq, atom ênergiyäse ob’yektların, radioaktiv matdälär yäisä atom-töş êşlänmäläre, ximik häm biologik matdälär qullanıp xalıqara terrorçılıq ğamäle qıluçı yäisä şuña omtılış yasawçılar da ülemgä xökem itelä ala.

Älege cäzağa tartıluçılar isemlegendä, monnan tış, wäqalätlelärneñ qarar çığaru prośessına yoğıntı yasaw häm xalıqnı qurqıtu öçen êşçänlekläre belän bäyle bularaq däwlät yäisä ictimağıy êşleklelärne üterergä omtıluçılar da bar.

Belarus’ cäza qanunındağı tözätmälär räsmi bularaq basılıp çıqqannan soñ 10 kön ütügä ğamälgä keräçäk.