Qunaqxanädäge şartlawda ülüçelär sanı arrtı
Kubada tarixi qunaqxanädä bulğan qaza küp keşeneñ ğomeren özde
Kubanıñ başqalası Gavanada 6nçı mayda qunaqxanädä bulğan şartlawda ğomere özelüçelärneñ sanı 43kä citte.
Kuba xalıq sälamätlege ministrlığınnan belderülärençä, yaralılar - 97 keşe. Alarnıñ 37se xastaxanädän çıqqan. 3 keşene êzläw däwam itä.
Däwlät başlığı Migel’ Dias-Kanel’ berniçä kön êlek yaralılarnı xastaxanädä ziyärät itte. Ul waqıyğanıñ terrorçı höcüme tügellegen, bäxetsez oçraq buluın xäterlätep, watandaşlarnı qan birergä çaqırdı.
Kuba matbuğatında qunaqxanädä küpmeder waqıttan birle remont êşläre baruı häm şunıñ qısalarında ütkärgeçlärgä gaz ağımı cibärgändä şartlaw kilep çığuı alğa sörelä.
Älege qunaqxanäneñ binası 1880nçe yılda tözelgän. Koronavirus kizüe başlanğaç ul 2 yıldan artıq yabılıp tora. Tarixi qunaqxanäne 10nçı mayda qabat açarğa tiyeş bulalaq.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy