Aljir Rusiyä belän dus qalaçaq

Aljir ilbaşı Abdulmäcit Täbbun Rusiyä tışqı êşlär ministrı Sergey Lavrov belän söyläşüdä ileneñ ike aradağı duslıq bağ’lanışlarına tuğ’rı qaluın belderde.

Aljir ilbaşı idaräse Täbbunnıñ Lavrovnı qabul itüe belän bäyle video çığardı.

Qarşı alu waqıtında Täbbun: “Bu säfär öçen bez bik qanäğat’. İke dus däwlät bularaq söyläşergä kiräkle küp närsä bar,”-dide.

Aljir däwlät başlığı Rusiyä belän duslıq bağ’lanışlarına tuğ’rı qaluların assızıqlap, monıñ ikeyaqlı mönäsäbätlär belän bäyle buluın, Rusiyä-Ukraina suğışına nisbäte yuqlığın äytte.

Lavrov qarşı aludan qanäğat’ qaluın belderep, Rusiyä däwlät başlığı Vladimir Putinnan sälam kiterüen häm anıñ Täbbunnı üzlärenä çaqıruın citkerde.

Lavrov Aljirnıñ Rusiyäneñ Ukrainada baruçı xärbi operaśiyälärenä qarata balanslı qaraşın yuğarı bäyäläwlären dä äytte.