Milli küzläw üzäge citäkçese wazıyfasınnan alındı

İspaniyädä säyäsätçelärneñ kesä telefonnarın tıñlaw belän bäyle ike ayırım oçraq turında bilgele bulğannan soñ, Milli küzläw üzäge citäkçese Pas Êsteban wazıyfasınnan alındı.

İldä uzğan atnada xökümät räise Pedro Sançes häm saqlanu ministrı Margarita Roblesnıñ kesä telefonnarınıñ İzraildä çığarılğan “Pegasus” şımçılıq programması yärdämendä tıñlanuı açıqlandı. Şunnan soñ xökümät bügen Pas Êstebannı êştän çığaruın citkerde. Ul uzğan atnada parlamentnıñ yabıq ber komitetında qayber separatist katalon säyäsätçeläreneñ dä telefonnarı tıñlanuın tanıdı.

64 yäş’lek Êsteban 2019nçı yılnıñ iyünendä İspaniyä milli küzläw oyışması citäkçese itep bilgelängän täwge xatın-qız buldı.