Ukraina, Pol’şa, Êstoniya, Litva häm Latviya xezmättäşlege
Ukraina, Pol’şa, Êstoniya, Litva häm Latviya êçke êşlär ministrları xezmättäşlek beldergesenä qul quydı
Taraflar arasında Ukraina başqalası Kiev töbägendäge Gostomel şähärendä urnaşqan Antonov hawa mäydanında imza salu tantanası oyıştırıldı.
Tantanada Ukraina êçke êşlär ministrı Denis Monastırskiy, Pol’şa êçke êşlär ministrı Mariusz Kaminski, Êstoniya êçke êşlär ministrı Kristian Jaan, Litva êçke êşlär ministrı Agne Bilotaite häm Latviya êçke êşlär ministrı Marija Golubeva qatnaştı.
Monastırskiy biredä yasağan belderüendä, imzalanğan beldergeneñ möhimlegenä basım yasap: "Bu belderge Rusiyä xärbiläre yasağan xärbi cinayätlärneñ tikşerelüe, mina êzläw, çit illärdäge Ukraina möhacirlären saqlaw, yaralanğan ğaskärilärneñ däwalanuı kebek mäs’älälärne üz êçenä ala”, - dip äytte.
Monastırskiy Ukraina êçke êşlär ministrlığına bäyle Minadan çistartu humanitar xalıqara koordinaśiya üzägeneñ tözelüen citkerde.
Pol’şa êçke êşlär ministrı Kaminski da, Ukraina xalqın yaqlawların belderep: "Rusiyä höcümnäre başlanğannan birle bez Ukraina belän bergä,” – dip basım yasadı.
Latviya êçke êşlär ministrı Golubeva isä, Rusiyäneñ Ukraina şähärlären yuq itärgä tırışuın äytep, Ukraina xalqına yärdäm kürsätergä däwam itäçäklären belderde.
