Bayden möselmannarnı Uraza bӓyrӓme belӓn qotladı
AQŞ ilbaşı:"Xӓlӓl cefetem Djill belӓn AQŞtağı hӓm böten dön’yadağı möselmannarnı bӓyrӓm belӓn tӓbrik itӓbez"
1821311
Amerika Quşma Ştatları dӓwlӓt başlığıı Djo Bayden AQŞta hӓm dön’yanıň törle poçmaqlarında yӓşӓwçe möselmannarnı Uraza bӓyrӓme belӓn qotladı.
”Xӓlӓl cefetem Djill belӓn AQŞtağı hӓm böten dön’yadağı möselmannarnı bӓyrӓm belӓn tӓbrik itӓbez. Dön’yanıň törle poçmaqlarında yӓşӓgӓn cirlӓrennӓn küçerelgӓn qaçaqlar hӓm bülgӓlӓngӓn ğailӓlӓr öçen doğa qılabız. Qor’ӓndӓ keşelӓr ğadellekne yaqlarğa çaqırıla hӓm cӓmğıyӓt’lӓrneň ber-berse belӓn tanışuları öçen törleçӓ barlıqqa kiterelüe ӓytelӓ. Işanıç irege Amerika öçen genӓ tügel, barlıq illӓr öçen dӓ qıymmӓtle nigez bulıp tora” diyelӓ qotlawda.
Djo Bayden şulay uq Uraza bӓyrӓmen Aq Yortta uzdıru tradiśiyӓseneň kire qaytuın hӓm anıň düşӓmbe könne ütkӓrelӓçӓgen dӓ iskӓrtte.
