Zelenskiy: "Söyläşülär tuqtalırğa mömkin"

Ukraina däwlät başlığı Volodimir Zelenskiy Rusiyä belän söyläşülärneñ tulısınça tuqtatıluı mäs’äläsendä yuğarı risk barlıqqa kilüen belderde. Ul Pol’şa jurnalistlarına interv’yusında 2 aydan artıq däwam itüçe suğış turında açıqlawlar yasadı.

“Söyläşülärneñ tulısınça tuqtalu qurqınıçı zur. Bu Rusiyä armiyäse kergän cirlärdäge näticälär belän dä bäyle,”-dide Zelenskiy.

Ul ike ilneñ delegaśiyäläreneñ törle däräcädä onlayn dialog alıp baruın belderde.

“Bez ber genä aktyer uynawçı säyäsi teatr tamaşasında urın alırğa telämibez. Rusiyä yağı başta äsir almaşu bulaçağın raslıy, tik soñınnan bu tormışqa aşmıy,”-dip söyli Ukraina liderı.

Ul problemalarnı çişü öçen ike ilbaşınıñ oçraşuı kiräklegen assızıqladı.

Zelenskiy Kiyev töbägendä yaña kümäk qaberlek tabıluın da citkerde. Xäzergä qadär moña oxşaş kümelü urınnarınnan 900 mäyet çıarılğan.