Urman yanğının sünderä almıylar

AQŞnıñ N’yu-Mexiko ştatında urman yanğınnarı däwam itä. 5 ayırım noqtada 6nçı aprel’dä başlanğan köçle utnı kontrol’ astına alu barıp çıqmadı.

Yanğın ştatnıñ Santa-Fe şähärenä dä zarar birä. Ul 303 kvadrat kilometrdan artıq mäydanğa taraldı.

Wäqalätlelär Santa-Fe qalasınnan yaqınça 60 çaqrım yıraqlıqtağı Mora üzänlegendä meñnärçä keşeneñ êvakuaśiyälänä aluın xäbär itte.

Köçle cil häm qorı hawa yanğın belän köräşne awırlaştıra. Yalqınnar kötelgännän tağın da tiz tarala.  

Ut yaqınça 30 meñ gektar cirgä zarar birde. Anı kontrol’gä alu öçen 2 meñ yanğın sünderüçe häm yärdäm xezmätkäre köräşä.