Güterreş: “BMO İminlek Şurası suğışqa yul quymawda uñışsız buldı”
Berläşkän Millätlär Oyışması Ğomum särkätibe Antonio Guterreş Ukraina säfäre waqıtında BMO İminlek Şurasınıñ suğışqa yul quymawda uñışsız buluın häm küñelne qaytaruın belderde
Guterreş Kievta Ukraina İlbaşı Volodimir Zelenskiy belän oyıştırğan matbuğat oçraşuında Rusiyäneñ 24nçe fevral’dä başlatqan suğış säbäp bulğan ülemnärgä, zur cimerülärgä häm keşe xoquqların bozu oçraqlarına säfäre waqıtında şäxsän üzeneñ dä şahit buluın äytte.
Xalıqara cinayät’ mäxkämäseneñ Ukrainadağı "xärbi cinayät’lär”ne tikşerüen xuplawına basım yasawçı Guterreş: "Mäydandağı ixtıyaclarnı bilgeläw häm operaśiyälärne arttıru öçen min biregä kildem. İminlek Şurası bu sığışqa yul quymaw, suğışnı beterü mäs’äläsendä qulınnan kilgänne yasamadı häm uñışsız buldı, bu zur küñel qaytu häm ömetsezlek, ämma BMOnıñ 1400dän kübräk xezmätkäre mäydanda qıyu Ukrainalı oyışmalar belän yänäşä här kön Ukraina xalqı öçen êşli”, - dip belderde.
Antonio Guterreş: "Sezgä süz biräm: Ukraina xökümäte belän här adımnı koordinaśiyäläp tırışularıbıznı arttıraçaqbız”, - dide.
Suğışnıñ betüe häm xalıqara xoquq qısalarında tınıçlıqnıñ urnaştırıluı çaqıruın yasawçı Guterreş utnı tuqtatu häm humanitar koridorlarnıñ täêmin itelüe öçen êşlärgä däwam itäçäklären belderde.
