Gaitida qırıslıq waqıyğaları küzätelä

Gaiti başqalası Port-o-Prensada bandalar arasındağı qırıslıq waqıyğalarında 24nçe aprel’dan bügengä qadär 20 keşeneñ ğomere özelde, 24 keşe yaralandı.

Gaitineñ Grajdan saqlanu agentlığı 24nçe aprel’ könne başqalanıñ 4 töbägendä bandalar arasında bäreleşneñ başlanuın açıqladı.

Agentlık qırıslıqnıñ häm ülüçelär sanınıñ arta alaçağı turında kisätte, säyäsätçelärne cämäğat’ tärtiben urnaştırırğa çaqırdı.

Bandalar arasındağı köç köräşendä 12 öygä ut törtelde, meñnärçä keşe öylären taşlap kitärgä mäcbür qaldı.

Gaiti ilbaşı Jovenel’ Moiz 7nçe iyul’ könne höcümgä duçar qalğannan soñ ildä bandalar arasında köç köräşe arttı.

Qırıslıq dulqını cäyelgän 4 töbäktäge êş urınnarı häm mäktäplär waqıtlıça yabıldı.