Ber ük waqıtta ike höcüm

Burkina-Fasoda armiyägä qarata ber ük waqıtta bulğan ike höcümdä 15 keşeneñ ğomere özelde.

Armiyädän yasalğan yazmaça belderüdä Saxel töbägendäge Gaskinde häm Pobe-Mengaodağı xärbi berleklärneñ höcümgä duçar buluı äytelä. Ber ük waqıtta bulğan höcümnärdä Gaskindedä 5se ğaskäri 9 keşeneñ ülüe, 15 keşeneñ yaralanuı bilgele. Pobe-Mengaoda isä 4 ğaskärine dä kertep 6 keşeneñ hälaq buluı häm 15eneñ yaralanuı xäbär itelde.

Kürşe däwlät Malidağı Äl-Kaida häm DEAŞ belän bäyle terrorçı törkemnär 2015nçe yıldan birle Burkina-Fasonıñ tön’yağında häm könçığışında yış qına höcümnär oyıştıra. Xökümät mäğ’lümatlarına qarağanda, älege höcümnärdä 2 meñ keşeneñ ğomere özelde, alarnıñ 600e iminlek xezmätkärläre. 1 million 814 meñ 283 keşe yäşägän urınnarın üzgärtergä mäcbür buldı.