Ukrainada 12 millionnan artıq keşe öyennän çığıp kitte

Rusiyäneñ Ukrainağa qarşı başlağan suğışı säbäple 12 millionnan artıq keşe yäşägän cirlären taşlap kitte. Xalıqara migraśiya oyışmasınıñ ğomum mödire Antonio Vitorino BMO İminlek şurasına birgän brifingta Ukrainada Rusiyäneñ höcümnäre artqan sayın ölkännär häm balalarnıñ psixologik ixtiyaclarınıñ üsäçägenä iğ’tibarnı cälep itte.

Vittorina, monnan tış, xatın-qızlar häm balalarnı keşe urlawçılardan, cäberlänüdän häm censi bäylänüdän saqlarğa kiräklegen dä iskärtte. Ul Ukrainadağı sabıylarnıñ yartısınnan kübrägeneñ öylärennän ayırıluın äytep, alarnı sıyındırğan däwlätlärne qarawçısız qalğan balalarnı açıqlarğa häm ğailäläre, yaqınnarı belän qawışularına yärdäm itärgä çaqırdı.

Antonio Vittorino möhacirlärne ayırıp qarawnıñ tuqtatıluın taläp itte. Ul öylären taşlap kitärgä mäcbür bulğan keşelärneñ ıruğı, êtnik tamırı, milläte yäisä migrant statusına qarap möğamälä kürüeneñ qabul itelmäs buluın citkerä.

BMO migrantlar yuğarı komissarlığı wäqalätlese Kelli Klements isä ukrainalı möhacirlärneñ sanınıñ yaqınça 5 millionğa citüen belderde.