Paqıstan awılında faciğa

Paqıstannıň Sindx vilayätendäge awılda çıqqan yanğında 9 keşeneň ğomere özelde. Alardan 8e – balalar.

Yanğında 50 öy kölgä äylände.

Milli matbuğattağı xäbärlärgä kürä vilayät’neň Dadu töbägendäge awılda ber öyneň aş-su bülmäsendä yanğın çıqtı.

Tizlek belän cäyelgän yanğında berençe mäğlümatlarğa kürä 8e balalar bulğan barlığı 9 keşe ülde. 50 öy qullanılmaz xälgä kilde.

Awıl xalqı yanğında 160 ferma xayvanınıň yuqqa çığuın belderep, igen-basularnıň da zıyan kürüen äytte.

Awılda yäşäwçelär räsmi zatlarğa şaltıratuların läkin yanğın sünderü törkemnäreneň awılğa kilmäwen açıqladı.

Prem’yer-ministr Şaxbaz Şerif mäs’älä belän bäyle kiň qırlı xisapnıň äzerlänüen soradı, awıl xalqına yärdämneň kürsäteläçägen citkerde.