"Citärle däräcädä qoralıbız yuq"

Ukraina däwlät başlığı Vladimir Zelenskiy suğışnıň 55nçe könendä könlek millätkä möräcäğat’ çığışın yasadı.

“Rusiyä qullanğan qorallar bezdä dä bulğan bulsa, bu suğışnı küptännän beterer idek. Bezneň Rusiyä häm partnyerlarıbızdağı qorallarğa ixtıyacıbız bar. Alarğa ireşkän bulsaq, tınıçlıq küptän urnaşır ide,” – dide ul.

Zelenskiy Ukraina armiyaseneň bar köçenä qarşı toruına häm xalıqnıň batırlarça saqlanuına iğtibarnı cälep itep: “Bu suğış belän Rusiyä armiyase üz-üzen dön’ya tarixına iň varvar häm keşeleksez armiya bularaq yazdıraçaq. Ukrainada tınıç xalıqnı belä torıp üterälär, toraq punktların, grajdannar asqorımasın cimerälär, xalıqara kileşülär belän tıyılğan härtörle qoral qullanıla,” – dide.