Awrupa Berlege höcümnärne ğayepläde

Awrupa Berlege Rusiyäneñ Ukrainada tınıç xalıqnı maqsat itep alğan höcümnären ğayepläwen belderde.

Awrupa Berlegeneñ Tışqı mönäsäbätlär häm iminlek säyäsäte yuğarı wäkile Jozep Borrel’ Rusiyäneñ Ukrainada 24nçe fevral’ könennän birle däwam itüçe höcümnäre belän bäyle tübändäge açıqlawnı yasadı: “Ukraina Rusiyä tarafınnan soñğı atnalarda raketa höcümnäre astında. Awrupa Berlege rus qorallı köçläreneñ tınıç xalıqnı häm grajdannar asqorımasın qanunsız räweştä bombağa totuın ğayepli.”

Awır höcümnärneñ ayıruça ilneñ könçığışı häm kön’yağında däwam itüen äytkän Borrel’ Lugansk häm Xar’kov kebek töbäklärdä watandaşlarğa utnıñ açıluın, grajdannar asqorımasınıñ cimerelüen citkerde.

Borrel’ Ukrainada başqarılğan xärbi cinayät’lärneñ cäzasız qalmawı zarurlığın açıqlap, Awrupa Berlegeneñ Ukraina xalqı yanında buluın, xuplawnıñ däwam itäçägen belderde.