"Ukrainada tınıç xalıqtan kim digändä 2 meň 72 keşe ğomeren yuğalttı"
Bu xaqta BMO belderä
1814072
Rusiya - Ukraina suğışında Ukrainada tınıç xalıqtan kim digӓndӓ 2 meň 72 keşeneň ğomere özelgӓn.
Bu xaqta Berläşkän Millätlär Oyışması yuğarı komissarlığı belderä.
Oyışma belderüendä äytelgänçä, Rusiya - Ukraina suğışında 24 nçe fevral’dӓn 17 nçe aprel’gӓ qadӓr tınıç xalıqtan kim digӓndӓ 2 meň 72 keşe ğomeren yuğaltqan, 2 meň 818 keşe yaralanğan.
Suğış başlanğannan birle Ukrainadan 4 million 934 meñ 415 keşe kürşe illärgä kitkän.
Berläşkän Millätlär Oyışmasına bӓyle Xalıqara migraśiya oyışması isӓ Ukraina êçendӓ tınıç xalıqtan 7 million 100 meň keşeneň küçerelüen xӓbӓr itӓ.
Bäyläneşle xäbärlär
Putin Ciñü könendä çığış yasadı
Bügen Rusiyädä İkençe Bötendön’ya suğışınıñ tögällänüen bilgeläp uzalar
