Germaniyädäge xalıqnıñ dürttän bere - möhacir
İldä yäşäwçe 22 million 300 meñ keşeneñ immigrant buluı açıqlandı
Germaniyä federal’ statistika xezmäteneñ canisäben alu bülege Mikrozensus 2021nçe yılda ildä yäşäwçe 22 million 300 meñ keşeneñ immigrant buluın belderde. Bu Germaniyädäge xalıqnıñ 27,2%ın täşkil itä.
2020nçe yılda bu san 21 million 900 meñ bularaq terkälgän ide. Uzğan yıl immigrantlarnıñ sanı 2%qa artqan. Germaniyä xalqınıñ dürttän bereneñ möhacir çığışlı buluı iğ’tibarnı cälep itä.
İldä immigrant çığışlı töşençäse nemeś bularaq tumağannarnı yäisä ata-anasınnan berse tumıştan nemeś bulmağan keşelärne bilgeläw öçen qullanıla.
İmmigrantlarnıñ 53%ı (bu yaqınça 11,8 million keşe) 2021nçe yılda Germaniyä watandaşlığına iyä, 47%ınıñ başqa il watandaşı buluı bilgele.
Möhacirlärneñ 62%ın täşkil itüçe 14 millionğa yaqını Awrupa illärennän kilüçelär, alarnıñ balaları yäisä onıqları. Alarnıñ 7 million yarımı isä Awrupa Berlege äğ’zası däwlätlärdän.
İmmigrantlarnıñ 5 million 100 meñe aziyalılar, 3 million yarımı Yaqın Könçığıştan häm 1 millionnan kübräge Afrikadan, 700 meñ tiräse Tön’yaq, Üzäk, Kön’yaq Amerika illäre häm Avstraliyädän.
Bäyläneşle xäbärlär
"İzrailgä qoral satmağız"
Djozef Borrell İzrailneñ qulında qoral bulmasa ğına bombalawdan tuqtayaçağın belderde
İpi êçennän tıçqan qaldıqları çıqtı
Yaponiyada ber ikmäk peşerü şirkäteneñ tovarların kibetlärdän kire cıyalar